سهير جودة تهنئ صلاح السعدني بعيد ميلاده: عملاق التمثيل والثقافة..خاص

سهير جودة تهنئ صلاح السعدني بعيد ميلاده: عملاق التمثيل والثقافة

أعربت الإعلامية سهير جودة بأنها تؤمن بمقولة اختار أعدائك مثلما تختار اصدقائك

سهير جودة: لا تدخل معركة مع عدو ليس لديه شرف او قيم

هنأت الإعلامية سهير جودة، الفنان القدير صلاح السعدني، بمناسبة عيد ميلاده اليوم، قائلة: «عمنا صلاح السعدني ده جزء في ذكرياتنا، وجزء مهم من حياتنا، عمدة وشخصية متميزة جدا، هو عملاق في التمثيل والثقافة والانسانية والمواقف الجميلة».

وأضافت سهير في برنامجها الذي يحمل اسم «الستات»، والمذاع عبر فضائية «النهار»، أنها مؤمنة بمقولة اختار أعدائك مثلما تختار أصدقائك، قائلة: «فكرة العدو اللي معندوش شرف ولا قيم متدخلش معاه معركة لأنك هتخسرها من قبل ما تبدأ».

واشارت: «الشخصية دي زي الوحش ومكانها الطين، فلما تدخل معاه معركة هيشدك لمكانه اللي هو الطين، وده شئ يقلل من قيمة الانسان، فمتقللش من قيمتك».

وأوضحت سهير: «التشبيه بالوحش هنا هو لسوء الشخصية اللي بتتعامل معاها، وفي ناس بتفرض عليك الخصومة لمجرد أنها تنال منك فتتساوى الرؤوس».

https://fb.watch/gl0_BRtfA-/

وأشارت سهير: « قدوتي في الحياة ناس كتير أولهم أبويا طبعا، ولكن في حياتي المهنية قدوتي فاطمة يوسف صاحبة روزاليوسف، لأنها كانت ست متعلمين لكن كانت مثقفة أكتر من أي حد مثقف كانت بتقدر يبقى في بينها وبين أي شخصية مهمة تقدر تكون ند قدامه، وعملت مجلة وعملت مؤسسة وكانت ممثلة مسرح، وبعدين تفرغت للصحافة، وصنعت نجوم منهم أحمد بهاء الدين وأنيس منصور، وللأسف مشوفتهاش ولا مرة».

وأضافت سهير في برنامجها الذي يحمل اسم «الستات»، والمذاع عبر فضائية «النهار»، أنها تمارس حياتها بشكل طبيعي بعد الانتهاء من الحلقة، بالرغم من الإجهاد الكبير الذي تتعرض له، تقوم بالذهاب لمناسبات أصدقائها وتلبي دعوتهم، قائلة: «في واجبات الواحدة لازم تعملها، سواء كان واجب عزاء أو زيارة مريض، وفي حاجات بتبسطني وبتغيرلي مودي، خصوصا لو أنا رايحة مهرجان الموسيقى العربية، أو رايحة الأوبرا».

اقرأ أيضا: سهير جودة: افترض حسن النية دائما مع الاخرين وارفض سوء الظن..