رانيا فريد شوقي تكشف اسرار زواجها: سهير جودة السبب
أعربت الاعلامية سهير جودة، عن سعادتها بقدوم الفنانة رانيا فريد شوقي ضيفة على برنامجها الذي يحمل اسم «الستات» والمذاع عبر فضائية «النهار».
يرصد لكم موقع “خدمة.كوم”، من خلال السطور التالية، في تقرير اليوم، رانيا فريد شوقي تكشف اسرار زواجها: سهير جودة السبب، وهي كالتالي:
وكشفت رانيا فريد شوقي أن الإعلامية سهير جودة كانت ضمن الاسباب التي ساهمت في ارتباطها بزوجها تامر، من خلال لقاء تم ترتيبه من قبلهم، حيث تقابلوا لأول مرة وكأنها صدفة، لكنها كانت مرتبة، حيث كانت تجمعهما صداقة قوية بالاعلامية سهير جودة.
واضافت رانيا: «اول ما شوفت تامر جوزي اعجبت بيه، عملوا لقاء صدفة وبعدها مقابلة واتجمعنا، وكانت احلى هدية يا صاحبتي والله ميرسي».
واوضحت رانيا انه مر على زوجها 7 سنوات، ومن الطبيعي ان تكون الحياة بها صعوبات ومميزات، قائلة: «ايد لوحدها متسقفش، لازم يبقى الطرفين بيساعدوا بعض، ونظرية الست بس اللي تفضل تعافر عشان الحياة تستمر، والحب ده اساسي في العلاقة بين الطرفين، وممكن الحب يروح لو الانسان مش كويس معاكي، لكن لو الانسان كويس الحب هيزيد وكمان مع العشرة فبيبقى اتقل، الموضوع بيختلف تماما».
وتابعت: «في استطلاع رأي امريكي بيقول ان في اربع قرارات غلط بياخدهم الشخص الامريكي في حياته، عندنا بناخد القرارت دي في اسبوع بس».
وأوضحت سهير: «في ناس بيبقى عندهم ٩٠٪ اخطاء و١٠٪ مميزات، طبعا ٩٠ ده رقم مفزع، لكن ١٠ ٪ ممكن تخليني اتحمل ال ٩٠٪ الاخطاء والعكس غير صحيح، والخسارة الاقتصادية صعبة لان في ناس تعبت وصرفت، ففي فكرة الخسارة المادية، ان كل ما تدفع اكتر كل ما فرصتك في الرجوع اصعب».
وأشارت: «المرونة النفسية هي انك تتقبل الهزيمة، وهي مش نهاية العالم، دي ممكن تبقى خطوة النجاح الحقيقية».
واوضحت سهير: انها كانت تقرأ خلال الايام الماضية في مذكرات رجل الاعمال رؤوف غبور الذي رحل من ايام، فقد كان يوصي ان كتابه لا يطبع الا بعد وفاته لكنه تراجع عن هذا القرار وتم طبعه قبل وفاته بشهرين تقريبا، قائلة: « لما قريت الكتاب لقيت الراجل ده بيطبق العلم من غير علم ، بس هو طبقه بتركيز وعقلية تجارية، ولو مصر فيها الف شخص زي رؤوف غبور وتركيبته الانسانية اكيد احوال كتير اقتصادية هتتغير، ده راجل حاول يغير مساره اكتر من مرة ، وفي احد المرات دخل السجن في لفته انسانية، فحياته مليئة بالتفاصيل، وتعتبر قصته حافز لكل من يتعرض للإخفاق في حياته، عليه ان يواصل الجهد من اجل تحقيق هدفه».
اقرأ أيضا: أسعار الذهب بداية تعاملات اليوم الأربعاء في مصر 16 نوفمبر
