سهير جودة: تشيد بفخر العرب مو صلاح وتتعاطف مع بيكيه بعد اعتزاله
أشادت الإعلامية سهير جودة، بمستوى اللاعب المصري محمد صلاح، في اخر مبارياته مع فريق ليفربول الإنجليزي، ونجح في تسجيل هدفين، قائلة: “صلاح بيعمل حالة من السعادة للمصريين، وكلنا بنحس ببطولاته وإنجازاته وبنفرح بيها”.
وقالت سهير في برنامجها الذي يحمل اسم “الستات”، والمذاع عبر فضائية “النهار”: “بيكيه احنا اتكلمنا قبل كده وان الستات مبسوطة عشان هو اعتزل كرة القدم، بسبب رفضة لإرتداء تيشيرت برشلونة وهو مدون عليه أول حرف من اسم شاكيرا بعد انفصالهما مؤخرا بسبب خيانته لها، وكان في رد فعل كبير من الرجالة موتعاطف مع بيكيه لأن هو طلع ذكي، لما ظهر في الملعب وهو بيعيط وبيعلن اعتزاله، وانا شخصيا لما شوفت الفيديو بتاعه اتأثرت”.
وأضافت سهير: “لحظة قاسية جدا ان انت بتقرر تسيب اكتر شئ انت بتحبه ، وكرة القدم بالنسبة لناس كتير رقم واحد، كنجوم في الملعب او حتى جمهور، وفي نوعية مشجعين انا بتعاطف معاهم سواء اهلاوية او زملكاوية او بيشجعوا اندية اخرى ، انا بحس انهم صعبانين عليا، واغلب المشجعين بيتفرجوا على الكورة لارتباطهم بفترة الطفولة لأنها كانت حلم بالنسبالهم انهم يطلعوا لاعيبة كورة”.
——————
سهير جودة: الرجل دموعة صادقة ومش سهل يعيط والقنوات الدمعية عند الست أكتر منه
حرصت الإعلامية سهير جودة، على التعليق على سلوكيات الرجل المختلفة والغير مألوفة لعدد كبير، ومنها اهتمامه الشديد بسيارته، قائلة: ” العلماء أكدوا أن الرجل يعتبر السيارة امتددا لنفسه، لذلك الرجال يعشقون سياراتهم أكثر من الستات، ويعتبرون العربية كائن حساس جدا، ويتعاملون معها برفق، وبينضفها ويهتم بيها، اكتر من اهتمامه بالست، ممكن ده يكون بسبب أن العربية مبتشتكيش فبيتعامل معاها بحساسية، لكن الست بتشتكي دايما، فنتمنى يكون عنده رحمة وإنسانية في كل المواقف”.
وأضافت سهير خلال برنامجها الذي يحمل اسم “الستات”، والمذاع عبر فضائية “النهار”، قائلة: “كمان الرجل قليل البكاء، ومش بالساهل يعيط، وده بسبب أن القنوات الدمعية عنده أقل من الست، عشان كده دموع الرجل صادقة، لأنها فعل غير مسبوق، لكن في رجالة لو عيطوا بيبقوا بيمثلوا، الرجل مبيعيطش بسهولة، لكن اللي بيعيط للإستفزاز دي بتكون دموع التماسيح”.
وتابعت سهير: “الصمت كمان من أسلحة الرجل، والست متعرفش تفسيرها، وتلاقي دايما الرجل بيلجأ للصمت بعد أي جرح عاطفي من أجل التعافي، لأن طبيعته غير الست هي بتحب تفضفض أو تعيط، الرجل بيبقى مرتبك مش عارف يفكر فبيدور على طرق يخرج بيها من أزمته، والست بتقدر تستعيد توازنها أسرع من الرجل”.
—–
سهير جودة: الرجل لايفهم لغة الجسد والأشارات والذكورة عند متمثلة في 3 أشياء.
قالت سهير جودة: “فكرة الذكورة عند الرجل متمثلة في ثلاثة أشياء هي؛ هيمنة ومنافسة، ومخاطرة، فمشاهدته للرياضات العنيفة بمثابة مساحة ان يسير مع هذه القيم والتوحد معها”.
اقرأ أيضاً: تعرف على معايير المشاركة في موسم ملكة جمال الأناقة والجمال لعام 2022.. مواعيد التقديم
