سهير جودة: امرأة وحيدة تساوي حياة افضل ولكن مستحيل تبقى السعادة في استمرارها
حرصت الإعلامية سهير جودة، على التعليق على ما كتبته المخرجة هالة خليل مؤخرا على حسابها الشخصي عبر فيسبوك، وتقول «ان الوحدة قفص من ذهب تصنعه احيانا بنفسك ليحميك من الوحوش الكاسرة»، بالرغم من أن الوحدة عكس الطبيعة، هي الونس والحياة، وزي ما بيقولوا الجنة من غير ناس ما تنداس، انا بشوف ان مستحيل تكون السعادة في الوحدة، الا لفترة مؤقتة وليها اسباب».
لذا يستعرض لكم موقع “خدمة.كوم”، من خلال السطور التالية، في تقرير اليوم، سهير جودة: امرأة وحيدة تساوي حياة افضل ولكن مستحيل تبقى السعادة في استمرارها، وجاءت كالتالي:
وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «احيانا بتكون الوحدة اختيار بس المفروض تكون لفترة مؤقتة، وفي دراسة أمريكية كشفت سر صحة وسعادة الست، وطلع ان الستات بيخافوا من الوحدة اكتر من خوفهم بالاصابة بالسرطان، تخيلوا احنا بنسميه المرض الوحش، والوحش الكاسر، ولكن هاجس الوحدة اصعب عند الستات من الاصابة بالسرطان، خاصة لما تكون ست مبتشتغلش او بتشتغل بس معندهاش ولاد، معندهاش زوج، ولو ان احيانا الوحدة خير من الزوج السوء».
سهير جودة: امرأة وحيدة تساوي حياة افضل ولكن مستحيل تبقى السعادة في استمرارها
وتابعت سهير: «الانسان بيكون مجبر على الوحدة لما يعدي بمشكلة عاطفية، او عنده وحدة عاطفية، وفي الحالة بيبقى عايز يقعد لوحدة، ويمكن الرجالة بتحس بالموضوع ده اكتر عشان تعرف يعد كده تقيم الامور، لكن الست بتبقى مرتبكة ومش عارفة تتصرف، ودايما دكاترة الطب النفسي بيقولوا ان دايرة المعارف والاصدقاء هي جزء مهم جدا من العلاج».
وأكدت سهير جودة: « الست اللي بتختار الوحدة إما أ تكون مبدعة فبتحاول تنجز مهمتها الابداعية، او انها انجرحت في حياتها العاطفية فبتلجا للوحدة، لكن لو الوحدة طولت اعتقد هتكون مأساة للستات والرجالة، وبشوف ناس ساعات الوحدة بتخليهم يعملوا تصرفات غير طبيعية وبيبقوا عايشين في مأساة كبيرة جدا».
اقرأ أيضا: تعرف على معايير المشاركة في موسم ملكة جمال الأناقة والجمال لعام 2022..خاص
