سهير جودة توجه رسالة للستات: خلي دموعك عزيزة وقوتك في كبريائك

سهير جودة: الست اللي بتستخدم دموعها عشان تعمل اللي هي عيزاه ضعيفة ودموع الرجل صادقة

سهير جودة توجه رسالة للستات: خلي دموعك عزيزة وقوتك في كبريائك

قالت الإعلامية سهير جودة، إن هناك ستات لديهم حساسية ومرهفين الحس بشكل كبير جدا، مشيرة: “في الفرح بيعيطوا في الحنان بيعيطوا في الحب بيعيطوا في الحزن بيعيطوا، وكمان في الانفعالات، وممكن انا ابقى شخصية قريبة من كدة، لكن اللي هو بتستخدم العياط لكسب شئ ما ده منتهى الضعف ومنتهى الطفولة”.

وأضافت سهير في برنامجها الذي يحمل اسم “الستات” والمذاع عبر فضائية “النهار”، قائلة: “دموع الرجل اصدق، واي ست بترجم دموع الرجالة على انه ضعف وانه ممكن ينزل من نظرها دي ست محتاجة تعيد تعريفات كتير جدا وعندها تشويه والمعارف جواها مش واضحة ومشوهة”.

ووجهت سهير نصيحة للستات: “خلي دموعك عزيزة، والراجل بيخليكي تصدقي أن قوتك في ضعفك لأ قوتك في كبريائك، قوتك في قوتك اللي هي اخلاق وطيبة وحب وعطاء وانسانية وامتنان، حاجات كتير جدا بتعمل قوة المرأة ، أما الضعف فالانسان ضعيف بطبعة كل حد فينا عنده ضعف ما ، كل حد فينا مختلف في ضعفه مختلف في الاستجابة مختلف في التأثير والتأثر ، فمتخليش فكرة ان انا اتمسكن او اعيط ، ان هو نوع من الابتزاز او نوع للوصول لأي هدف”.
وتابعت سهير: ” في كل الاحوال الدموع بتطول العمر ودي دراسات علمية بتاكد الكلام ده، والبكاء زي الضحك بيخلص الانسان من التوتر والضغط، والستات بتبكي بسهولة بس مستخدموش كحيلة تكسب بيها، ولكن فكرة الراجل بيكبت جواه هو بيعمله مشاكل في القلب ومشكلات وبيخلي الراجل عمره اقل زمنيا من الستات، والستات بتعيش اكتر من الراجل، لان الراجل بيكبت جواه، لكن الست بتخرج الضغوطات بالبكاء والفضفضة”.

وتابعت: «الازرق بيدي الامان والهدوء والاخلاص والسكينة والاصفر بيعني الصداقة والسعادة والبهجة والدفء، والاحمر من الواني المفضلة جدا، وهو بيدي احساس بالحب والقوة والخطر، وبحب البنفسجي بكل درجاتة، وانا عيني بتروح للبنفسجي ودايما بحس بالشجن، وفي دايما حكمة وابداع وبيديني طاقة كبيرة، والاسود والابيض الوان خداعة ، لانك بتلبسهم في الفرح والحزن، وهي الوان مضللة، متعرفش اذا كنت سعيد او حزين».